Naka-record sang 18 tanan ka volcanic earthquakes ang Philippine Institute of Volcanology and Seismology (PHIVOLCS) sa bulkan Kanlaon sa nagligad nga 24 oras.
Sa interview sang Bombo Radyo Bacolod kay Engineer Mari-Andylene Quintia, resident volcanologists sang Kanlaon Volcano Observatory sa La Carlota City, Negros Occidental, naobserbahan sang mga ini nga degassing nga nagdangat sa 150 ang kataason padulong sa east to west nga direksyon.
May yara man sang sulfur dioxide emission nga 2400 tonnes kada adlaw kag padayon nga paghubag sang volcanic edifice.
Sa karun nagapabilin sa alert level 3 ang Bulkan Kanlaon.
Suno kay Quintia ang indi pagpatigayon sang Bulkan Kanlaon sang gas emission ang mahimo nga patunda nga may clogging sa ginaagyan sang gas sa Bulkan.
Nagpatigayon man ang PHIVOLCS sang sampling kag testing sa abo nga nagwa sa baba sang Bulkan kag nakita nga 10 percent ang nagimpon nga magma diri.
Samtang padayon ang pagpanugyan sang PHIVOLCS nga wala sang may makasulod sa 6km radius gikan sa Bulkan Kanlaon.
