Sa tion nga magsakay kita sa eroplano kita ang ginapahanumduman nga dapat ara na sa airport at least 3 hours antes ang flight kun international kag duha ka oras naman kun domestic flight apang paano kun nalate ka? ano ang himuon mo?
Sa Chile, naatrasar ang isa ka flight sang late nga nakaabot ang isa ka pasahero kag sa tuman sini ka desperado nga indi siya mabayaan, ginbanggaan sini ang eroplano.
Nagpatunga ang lalaki sa alagyan sang eroplano rason nga indi makahalin ang aircraft bisan nga ginmaniobra na sang pilots kag ready na gid kuntani sa flight.
Ginkadtuan sang staff sang airport ang lalaki kaupod ang security patrol, ginpagwa sa runway, kag gintugyan sa police.
Naglawig pa ang inoras sang pagkalate sini bangud sa proseso bangud ini ang pasakaan pa sang kaso.
Santo sa reports, padulong kuntani ang 29-anyos nga pasahero sa Concepcion, Chile sakay sa Latam Airlines, apang bangud na-late siya, naglusot siya sa security, nagdalagan sa runway, kag nagtindog didto sang isa ka minuto.
Nagdangat man sa 10 minutes man ang delay sang flight nga sang ulihi naglupad nga wala ang nasambit nga pasahero.
