Dugang nga tents ipahamtang sa tent City sa ciudad sang Himamaylan, Negros Occidental

Ginkumpirmar sang Office of Civil Defense Negros Island Region nga may idugang pa nga tents nga ipatindog sa tent city sa ciudad sang Himamaylan.

Sa interview sang Bombo Radyo Bacolod kay Office of Civil Defense Negros Island Region Director Donato Sermeno III, magluwas sa 500 tents nga yara na sa tent city, may yara pa gid sang idugang nga kapin sa 300 ka tents.

Suno diri, ini ang kabahin sang preparasyon pananglitan nga magsaka sa alert level 4 ang status sang bulan Kanlaon kag mas magdamo ang numero sang evacuees.

Samtang may yara man sang Local Government Units nga ginhatagan man sang tent sang OCD para butangan sang evacuees kaangay sa San Carlos City, Silay City, La Carlota City kag Pontevedra Municipality.