Wala sang foul play nga nakit-an sa pagkasunog sang isa ka classroom sa Brgy Quintin Remo, banwa sang Moises Padilla, sang Lunes, kapin alas- 9:00 sang gab-i.
Sa interview sang Bombo Radyo kay Fire Officer 1 Kimberly B Galanida, Chief of Intelligence and Investigation Unit Moises Padilla Municipal Fire Station, ang sunog nagluntad sa Guinpana-an National High School – Mamballo Extension kun sa diin isa ka classroom sang partially damaged.
Suno diri, ang classroom ang ginagamit para sa Technical-Vocational-Livelihood (TVL) students kag ang sunog ang nag-umpisa sa kitchen area sang classroom.
Nagdangat naman sa kapin sa P200,000 ang balor sang halit sang sunog.
Sa karun padayon pa ang imbestigasyon sa rason sang nagluntad nga sunog apang ginapatihan nga wala sang foul play nga natabo.
