Tatlo ka suldado, nasamaran sa engkwentro sa banwa sang Toboso, Negros Occidental kahapon.
Sa Press release sang 3rd infantry Division sang Philippine Army, ginpahayag nga may tatlo ka operating troops nga nag-angkon sang minor injuries kag sa karun yara na sa estable nga kondisyon.
Ini kasunod sang nagluntad nga engkwentro sa tunga sang 79th Infantry Battalion batok sa pito ka remnants sang dismantled Northern Negros Front sang New People’s Army sa Sitio Bairan, Barangay General Luna, Toboso, Negros Occidental.
Ang firefight ang naglawig sang kapin 16 ka minutos.
Narecover sa encounter site ang M16 assault rifle kag iban pa nga war materials kalakip na ang cal. 38mm revolver, magazines sang M16 kag AK47, nanarisari nga bala, gadgets, mga pagkaon, personal nga pagkabutang sang mga Communist Terrorist Group personnel, kag mga subersibo nga dokumento nga may mataas nga intelligence value.
