11 ka mga traffic lights nga nahamtang sa mga intersections sang Bacolod City ang temporaryo nga ginpatay para sa repairs, kag ginbuslan anay sang mga traffic personnel.
Sa interview sang Bombo Radyo Bacolod kay Bacolod Traffic and Transport Management Department officer-in-charge Patrick Leonard Lacson, bangod na-aprubahan na ang budget, ginpakamaayo na lamang nila nga suguran na ang repairs ukon pag-ilis sang mga traffic lights.
Ini bangod ang nasambitan nga traffic lights ang wala sang yellow lights kag bangod guba na ang countdown timer, nagakakibot na lamang ang mga motorista nga hinali nagalumpat sa green to red, vice versa.
May-ara man sang nagadungan nga mga go kag stop signal sa magkatuhay nga dereksyon, kag ang nasambitan nga mga issues ang mahimo makatuga sang aksidente.
Kalakip sa mga temporaryo nga ginpatay ang traffic lights sa Burgos-Circumferential, Burgos-Lopez Jaena, Burgos-Hilado, BS Aquino sa La Salle, BS Aquino sa Lacson, Burgos-Lacson, Hernaez-Lacson, Hernaez-Araneta, Lizares-Araneta kag Magsaysay-Lacson.
Walo diri ang ilislan nagid, ang duha ang for repairs, samtang ulihi nalang nga nadugang ang Magsaysay-Lacson matapos makita nga nagapiraw-piraw na ang yellow lights.
Ang repairs ang may budget ng P3.6 million.
Suno kay Lacson, ini sunod sa luyag ni Bacolod City Mayor Alfredo “Albee” Benitez nga road safety.
Pahayag sini nga iban sa mga motorista ang kaangay nga naanad na lamang sa paghaom-haom sang traffic light, aoang ini ang tuman ka delikado.
Nagpasalig naman ini nga may nagakaigo nga traffic personnel sa pagpatigayon sang manual traffic management.
Nagapati ini nga indi man malab-otan isa ka bulan ang installment.
Suno kay Lacson, sa dry run nila kahapon, nakita sini nga mas magtawhay ang traffic sa manual nga pagdireher sang mga traffic enforcers.
