Nagpatuman sang price rollback ang mga oil firms sa produktong petrolyo subong nga semana.
Sa separado advisories, nagpatuman ang Chevron Philippines Inc. (Caltex), Petron Corp., Seaoil Philippines Corp. kag Shell Pilipinas Corp. sang P0.10 sa kada litro sang gasolina kag P0.50 sa kada litro sang Kerosene samtang wala naman sang pagbag-o sa diesel.
Ang Cleanfuel, Petro Gazz, and PTT Philippines Corp. ang magapatuman sang pareho nga price adjustment magluwas nalang sa kerosene nga wala sa ila nga produkto.
Ang price adjustment ang nagtake effect kaina alas 6:00 ang takna sang aga para sa tanan nga firms magluwas nalang sa Cleanfuel nga magapatuman sang price adjustments alas 8:01 ang takna subong nga aga.
Suno kay Romero ang possible adjustments ang bangod sa pagpatuman sang taripa ni United States President Donald Trump sa trading partners sini kalakip na ang European Union, China kag Korea nga sa karun ginalantaw nga makatuga sang pag-ilinaway sa trading business; kag ginalauman nga pagnubo sang refineries sa China sa bulan sang Marso kag Abril.
