Masobra 12,000 ka pamilya kag 48,000 ka mga indibidwal ang naapektuhan sang pag-erupt sang Bulkan Kanlaon sang Martes, suno sa Department of Social Welfare and Development.
Nagpanawagan man ini sang dugang nga volunteers agud magbulig sa pagpreparar sang family foodpacks para sa distribution sa masobra 2,600 ka pamilya ukon 8,300 ka mga indibidwal nga yara sa gihapon sa karun sa evacuation centers sa Negros Occidental, Canlaon City kag iban pa nga naapektuhan sang eruption.
Suno kay Social Welfare Assistant Secretary Irene Dumlao, ang figures ang nagikan sa 28 ka mga barangay nga apektado sa nagkalain-lain nga areas.
Suno kay Dumlao, humalin sang naglupok ang Bulkan Kanlaon, nagahatag sang bulig ang ila ahensya, indi lamang paagi sa food kag non-food items apang kasubong man sa financial assistance.
May yara na sila sang napanagtag nga masobra P131 million nga humanitarian assistance, kasubong man food kag non-food items.
