Tubtob pa sa Abril 19 ang road flushing operation sang Bacolod City Fire Station sa La Carlota City nga ginpuno sang ashfall matapos ang paglupok sang Bulkan Kanlaon.
Sa interview sang Bombo Radyo Bacolod kay Fire Officer 2 Paul Servano, public information section head sang Bacolod City Fire Station, subong ang ikaduha nga adlaw sang road flushing operation.
Ginpadala nila sa area ang Fire Engine No. 624 nga may ara sang lima ka crew.
Sa supervision ni Bacolod City Fire Marshal Jenny Mae Massip kag derektiba ni Bureau of Fire Protection – Regional Office 6 Director Fire Chief Superintendent Felixberto Abrenica, ang operasyon ang nag-umpisa kahapon Abril 9 kag matapos sa Abril 19.
Magluwas diri, may nakareserve nga isa pa ka firetruck nga magabulos makaligad sang tatlo ka adlaw.
Ang firetruck ang nagatinir sa karun sa La Carlota City Disaster Risk Reduction and Management Office.
Magluwas sa Bacolod City Fire Station, nag-augment man ang BFP gikan sa lainlain nga mga banwa kag ciudad kaangay sang Bago City, La Castellana, Moises Padilla, Murcia, Pontevedra kag iban pa.
Apisar nga indi potable water ukon indi mainom ang ila karga nga tubig, pahayag ni Servano nga ini ang sarang magamit sang pumuluyo sa pagpaligo ukon sa pagpanghugas sang pinggan.
