Nagapasalig ang Negros Electric and Power Corporation sang reliable kag wala sang power interruption sa election.
Sa interview sang Bombo Radyo Bacolod kay Engr. Leomel Tambanillo, assistant Vice President for Planning and Business Operation sang NEPC, sang Lunes nagperma ang NEPC kag Commission on Elections sang Memorandum of Agreement nga ‘No Power Interruption’ sa eleksyon.
Suno diri, ila ginasecure ang linya sang kuryente sa mga buluthuan kag mga voting centers sa ila coverage areas.
May yara man sila sang gindugang sa Mega Volt-Amperes capacity kasubong man nga padayon ang ila vegetation clearing.
Samtang, natapos naman ang ila inspection sa mga buluthuan kag voting centers.
Dugang pa ni Tambanillo, may yara man sang gindugang nga tatlo ka generator set kag ang isa ang nakschedule na kun diin gamiton sang COMELEC.
May yara man sang nakahanda nga filed crew kag robing team sa sulod sang 24 oras agud madasig ang pagresponde kun may yara sang problema.
