Pagsaka sang presyo sang isda kag iban pa nga seafoods, temporaryo lamang

Gin-athag sang Department of Agriculture nga temporaryo lamang ang pagsaka sa presyo sang mga isda kag iban nga seafoods.

Suno kay DA spokesperson Arnel De Mesa, normal lamang ini sa panahon sang Semana Santa.

Nakaandan na sang mga katoliko nga indi mag kaon sang karne sang baboy kag baka samtang semana santa.

Sa ila monitoring, gamay lang ang pagsaka sang presyo sang nasambit nga mga isda.

Magabalik lang sa normal ang presyo sang mga isda pag-abot sa adlaw sang Sabado kag Dominggo.