Ginpagwa na sang San Sebastian Cathedral ang schedule of activities para sa subong nga Semana Santa.
Bwas, Palm Sunday, alas-4:30 sang kaagahon may patigayunon nga Commemoration of the Lord’s Entry to Jerusalem sa atubang sang Bishop’s House kag sundan sang solemne nga prosesyon padulong sa San Sebastian Cathedral.
Magapatigayon gihapon sang regular nga schedule sang misa kag may-ara sang pagbendisyon sang lukay sa kada misa.
Parehas nga may regular mass schedules sa Lunes tubtob Miyerkules alas-7:00 sang aga, alas-12:15 sang udto kag alas-5:15 sang gab-i.
Apang sa Holy Monday kag Tuesday, may-ara sang Sundown Reflection alas-6:00 sang gab-i samtang sa Holy Wednesday, may Holy Hour Sundown Reflection Confession naman alas-6:00 sang gab-i.
Sa Holy Thursday, may Chrism Mass and Renewal of Priestly Promises sa San Sebastian Cathedral alas-8:00 sang aga, Mass of the Lord’s Supper alas-4:00 sang hapon kag Vigil sa atubang sang Altar Repose Visita Iglesia alas-5:00 sang hapon tubtob na sa tungang gab-i.
May Via Crucis naman nga patigayunon alas-4:00 sang kaagahon sa Prk. Tangigue, Brgy 2 padulong sa Cathedral sa Good Friday.
Sundan sang Siete Palabras alas-12:00 sang udto, selebrasyon sang Lord’s Passion alas-3:00 sang hapon, Procession of Pasos alas-5:00 sang hapon kag Duaw alas-5:30 sang hapon.
May Procession of Soledad naman alas-7:00 sang gab-i sa Black Saturday kag Easter Vigil alas-8:00 sang gab-i.
Samtang may Encuentro kag Regular Sunday Mass Schedule naman alas-4:00 sang kaagahon sa Easter Sunday.
