Nagplastar na ang pila ka mga manugbaligya sang lukay para sa Domingo de Ramos sa gwa sang San Sebastian Cathedral.
Sa interview sang Bombo Radyo Bacolod kay Carmelita Calito, residente sang Brgy Granada, siya ang humalin pa lamang sang bata nagabaligya sang lukay kun Semana Santa upod sa iya mga ginikanan, kag sa karun siya ang 49 anyos na.
Suno diri, sila ang nagsugod plastar sa kilid sang Cathedral alas-5:30 kahapon sang hapon kag tubtob na bwas sa aga, Palm Sunday.
Kaupod sini sa pagdesinyo sang lukay ang iya bana, kabataan kag mga apo kag sila ang nagabutang lamang sang matabon gikan sa init.
Handa naman sila nga agwantahon ang init bangod ang Palm Sunday ang isa ka bes sa kada tuig lang man ginaselebrar.
Ang presyo sang basic design nga lukay ang nagarange sa P25 tubtob P30 samtang ang mga ma-uti na nga desinyo ang nagalab-ot sa P70 tubtob P80.
Pahayag sini nga ang ila ma-income ang sarang naman mabakal sang bugas para sa ila pamilya.
Aminado ini nga may kasugtanan na sila nga mga nagabaligya sa presyo, apang indi malikawan nga may-ara gid sang nagalisa sa pagpanubo sang presyo.
Ini bangod sila ang nagabakal pa sang lukay gikan sa iban nga tawo, apang may iban naman nga ila mismo tanom ang ginakuhaan gani may ikasarang sa pagpanaog sang presyo.
Sa masami ang sumilimba ang nagahapit na lamang agud magbakal sang lukay partikular na sa Palm Sunday agud ila nga mapabendisyunan.
