Gintupok sang kalayo ang 19 ka mga balay sa sunog nga nagluntad sa Prk. Talisay, barangay Zone 1, ciudad sang Cadiz, sang Sabado sang gab-i, Abril 19.
Sa interview sang Bombo Radyo Bacolod kay Cadiz City Fire Marshal F/Insp. Archie Españo, ang mga balay ang nahamtang sa illegal settler area kag lunsay himo sa light materials.
Suno kay Españo ang kalayo ang naghalin sa balay ni Jocelyn Egay kun sa diin naglapta sa kaingod nga mga balay.
16 ka mga balay ang totally damage samtang 3 naman ang partial damage.
Nabudlayan man ang mga nagresponde nga mga bombero sa pagsulod sa lugar sang nasunugan bangud makitid ang dalan kag madamo sang mga wirings sang kuryente sa dalan.
Wala man sang nasamaran sa nagluntad nga sunog.
Santo sa imbestigasyon sang Cadiz City Fire Station, electrical ignition ang ginhalinan sang kalayo.
Nagdangat sa first alarm ang sunog kag ginabanta nagdangat sa P200 mil ang balor sang kahalitan sang sunog.
Panugyan sang City Fire Marshal nga mag-aligmat ang tanan agud malikawan ang sunog.
