Magapagwa ang Department of Agriculture sang isa ka notice to explain order sa mga retailers sang bugas kag baboy nga wala nagcomply sa maximum suggested retail price (MSRP).
Nadakpan sang mga opisyales sang DA ang pila ka mga vendors nga nagabaligya sang mas mataas sa MSRP sa Marikina Public Market.
Suno kay DA Assistant Secretary Genevieve Guevarra, pila ka mga vendors ang nagpahayag nga indi sila makacomply bangud nagasunod lamang ang mga ini sa presyo sang mga dealers kag deliveries.
Nahibaluan nga ang imported nga bugas ang dapat ginabaligya sa balor nga P45 per kilo bangud sa MSRP apang nagdangat ini sa P52 per kilo sa iban nga lugar.
Suno sa pila ka mga rice retailers, ini ang ila ginapatuman nga presyo bangud may mga iban pa sila nga expenses kaangay sang renta, gasolina, toll fees kag operating costs.
