Nagsaka na sa 11 ang mga nagkaladakpan nga nagabayolar sa Election Gun Ban.
Sa interview sang Bombo Radyo Bacolod kay Bacolod City Police Office (BCPO) Director Police Col. Joeresty Coronica, ang ulihi nga gun ban violator ang nadakpan sang Abril 21.
Anom sa mga ini ang nadakpan sa police response, isa sa hot pursuit operation, duha sa incident lawfull to arrest, isa sa checkpoint kag isa sa drug buybust operation.
Suno kay Coronica, may natalana pa sila Regional Joint Security Control Center meeting kun sa diin ila estoryahan ang final deployment sa pagbantay sa May 12 Elections.
Paathag sini nga wala sang kulang sa personnel sa BCPO, apang sa ihibalo sini kulang sang kapulisan sa Negros Oriental, apang nakadepende na sa Police Regional Office – Negros Island Region kun sa diin magarequest sang augmentation.
Ginmeeting naman sini ang intelligence operatives sa BCPO, lakip na ang mga station drug enforcement team, para sa pagbuligay sa monitoring.
Isa sa ginabantayan amo ang posibilidad sang paggamit sang goons sang pila ka kandidato.
Aminado si Coronica nga matawhay ang eleksyon sa Bacolod City bisan pa sang mga nakaligad, apang sila ang wala nagakumpyansa.
Sa karun, wala pa ang mga ini sang namonitor nga mga election related concerns.
Sa bahin sang kampanya batok sa Kontra Bigay, pahanumdom ni Coronica sa mga campaign sortees nga bisan pagpanghatag sang tubig ang makabig nga election offense.
