Nakabaton na ang ciudad sang Bacolod sang exemption halin sa Commission on Elections (COMELEC) sa paghatag sang ayuda.
Suno kay Atty Marty Go, Secretary to the Mayor, humalin sang tinalikdan nga semana amat-amat nga nag-abot ang certificate of exemption para sa social services, housing project, kag public infrastructure.
Suno diri, sa social services may 32 nga ginpasa sa COMELEC kag 15 diri ang gingrant sa exemption kaangay sang AICS, social pension, ladderized centenarian benefits solo parent allowance kag iban pa.
Sa housing related projects may 243 nga ginpasa kag 64 pa lang diri ang nagrant samtang ginahulat pa ang exemption sa iban.
Pahayag ni Go, ginaban lamang sang COMELEC ang disbursement sang public fund apang ginaprocess lang ang ginapasa nga papeles.
Nagpahanumdom man ini nga sa pay out wala dapat sang pangalan ukon nawong ukon presensya sang kandidato nga makit-an.
