Amat-amat na nga ginasuguran sang gobyerno ang pagpatuman sang P20 per kilo nga bugas sa Visayas santo sa campaign promise ni President Ferdinand Marcos Jr.
Madumduman nga ginmanduan na ni Agriculture Secretary Francisco Tiu Laurel Jr. ang National Food Authority nga magsugod na sa pagsaylo sang rice stocks sa Visayas bilang pagpanghanda para sa P20-per-kilo rice program.
Suno sa Department of Agriculture, ang bugas ang magagikan sa buffer stocks sang NFA nga naglab-ot sa five-year high nga 7.17 million nga 50-kilogram bags sang milled rice.
Sa subong, ang inventory ang nagsaka pa sa 7.56 million bags nga bastante agud nga magpakaon sa bilog nga pungsod sa ginabanta 10 ka adlaw.
Ang ini nga tikang ang kasunod sang pag-exempt sang Comelec sa nasambit nga proyekto sa election spending ban antes ang May 12 Elections, nga kabahin sang campaign promise ni President Ferdinand “Bongbong” Marcos Jr. nga panubuan sa P20 ang kada kilo sang bugas.
