Ipatuman sa sulod sang napulo ka adlaw ang total ban sa pay-out sang mga ayuda sa ciudad sang Bacolod nga magasugod sa Mayo 2 tubtob Mayo 12, 2025.
Sa interview sang Bombo Radyo Bacolod kay Dr. Richelle Verdeprado-Mangga, pinuno sang Department of Social Services and Development, ang ila nga proseso ang nagasunod sa Comelec resolution no. 11060 kun sa diin may yara sang ipatuman nga total probihition sa Assistance to Individuals in Crisis Situations (AICS) kag sa tanan nga mga ayuda.
Suno kay Verdeprado-Mangga, magasunod ang DSSD sa tanan nga mga guidelines kun sa diin wala sang releasing.
Suno diri magapadayon ang pagproseso sang mga nagapangayo sang assistance apang kinahanglan sang mga ini nga maghulat matapos ang total prohibition sang releasing kasunod sang resolution nga ginpagwa sang COMELEC.
Kalakip sa mga apektado amo ang AICS, social pension, senior citizen, burial assistance kag iban pa.
Ginahingagaw man sang talatapan ang pay-out sang mga nascreening na nga elligible benefericies tubtob Abril 30.
