Ginpahayag sang director sang Commission on Elections-Negros Island Region nga indi makaapekto sa sa sitwasyon sang piniliay sa Mayo sa ciudad sang Kabankalan ang nagluntad nga engkwentro sa tunga sang New People’s Army kag Philippine Army sa Purok Maghirupay, Barangay Tapi, Kabankalan City, Negros Occidental sang Domingo sang gab-i.
Sa interview sang Bombo Radyo Bacolod kay Atty. Lionel Marcos Castillano, sa report nga nabaton sini nagikan kay Negros Occidental Election Supervisor Ian Lee Ananoria, wala sang voting center nga na apektuhan sa natabo nga encounter gani wala sila sang may nakita nga problema sa karon.
Suno kay Castillano, gindiskusyunan man nila ini sa ginpatigayon nga NIR Regional Joint Security Control Center (RJSCC).
Samtang ginpahayag man sini nga wala man sila sang narecord sa karun nga election related incidents kag ginahulat pa sa karun ang en banc resolution sa approved election watchlist areas.
Sa karun ginafinalized naman nila ang security sang tagsa ka mga probinsya kag para sa approval sang Regional Joint Security Control Center (RJSCC).
