Ginpahayag sang National Bureau of Investigation (NBI) nga ang ginaalegar Chinese spy nga gin-aresto sini ang posible naga-intercept sang data padulong kag nagikan sa Comelec.
Suno sa bureau, ang Chinese national ang nadakpan nga naga-uyat sang isa ka international mobile subscriber identity device ukon IMSI catcher, nga sarang magamit agud ma-intercept ang mobile communications lakip na ang mga text messages.
Ang equipment ang narecover nagikan sa salakyan sang suspetsado, nga nakapark pila lamang ka metros ang kalayuon nagikan sa main office sang Comelec sa Manila.
Suno kay NBI Director Jaime Santiago, under surveillance ang suspetsado sa sulod sang apat ukon lima ka adlaw.
Sa karun, natiyempuhan ang mga ini nga 30 ka minutos nga nagapundo malapit sa opisina sang Comelec kag tatlo ka beses na ang mga Chinese nationals nga yara sa opisina sang ahensya.
