Subong nga Miyerkules, duha ka Weather Disturbance ukon Low Pressure Area ang namonitor sa sulod sang Philippine Area of Responsibility.
Ang isa ang yara sa West Philippine Sea kag ulihi nga nasiplatan alas-3:00 kaina sang kaagahon sa 425km sa nakatungdan sang Iba, Zambales.
Wala naman ginalauman nga magbaskog sa Bagyo ang nasambitan nga LPA kag ini ang mahimo maggwa na sa PAR subong nga adlaw.
Ang isa pa ka LPA ang yari naman sa atun sa Visayas.
Alas-3:00 kaina sang kaagahon, ulihi nga nasiplatan ang LPA sa coastal water sang Kalibo, Aklan.
Wala man ginalauman nga mangin Bagyo ang nasambitan nga LPA, apang ini ang magatuga sang mga pag-ulan sa dako nga bahin sang Southern Luzon kag sa bilog nga Visayas.
Ginalataw nga ang LPA ang magapabilin sa Western Visayas kag Mimaropa area tubtob sa masunod nga 24 oras.
Ang LPA ang ginalauman nga matunaw bwas sa udto ukon sa hapon.
Wala na sang iban pa nga Weather Distrurbance nga nakita nga makaapekto sa pungsod tubtob sa katapusan sang subong nga semana.
