Nagalaom ang personnel sang Philippine Institute of Volcanology and Seismology (Phivolcs) Kanlaon Volcano Observatory sa La Carlota City, Negros Occidental nga mangin kalmado ang Bulkan Kanlaon sa maabot nga inadlaw ilabi na sa May 12 Midterm Elections.
Suno kay Engr. Mari Andylene Quintia, resident Volcanologist sang Kanlaon Volcano Observatory, manubo ang sulfur dioxide emission sang bulkan.
Suno kay Quintia, balantayan sagihapon ang aktibidad sang bulkan apisar wala ini sang may ginapakita nga patimaan para sa isa ka major eruption.
Suno diri, manubo ang sulfur dioxide emission nga mahimo nga tuga sang dyutay ang ginabuga nga โgasโ sang bulkan bangod sa mahina nga pressure, ukon natakpan ang gina-agyan sang โgasโ.
May mga volcanic earthquakes man sang nagliligad nga inadlaw kun sa diin nagapamukas ang bulkan sang mahimo agyan sang gas sini.
Sa karun, sa pag-obserbar sang PHIVOLCS estable ang kondisyon sang Bulkan Kanlaon.
