Generally peaceful ang assessment sang 3rd Infatry Division sang Philippine Army sa pagpatigayon sang 2025 National and Local Elections sa ila area of responsibility.
Sa interview sang Bombo Radyo Bacolod kay 3rd ID public affairs office chief Col. Erwin Rommel Lamzon, ginadayaw sini ang effort sang mga militar sa pagpabilin sang kalinong sa adlaw sang eleksyon.
Aminado ini nga apisar sa preparasyon may-ara sang mga indi mapunggan nga hitabo kaangay sang natabo nga strafing incident sa Silay City nga nakapatay sang duha samtang may pito nga pilason.
Suno diri, isa na sa ginalauman sa eleksyon ang attrocities gikan sa political rivalry.
Sila ang nagpadala man sang military personnel agud nga mag-assist sa kapulisan, kag ang insidente ang wala man sang nangin impact sa kabug-usan nga eleksyon.
Wala man sila sang nakita nga kaangtanan sini sa makawala nga grupo.
Pahayag ni Lamzon nga sa eleksyon, may-ara gid sang nagadaog kag nagakapierde, ukon may masuya apisar pa nga may ginpatigayon nga peace covenant signing.
Samtang ginalantaw sini nga wala sangdalagkuan nga aktibidad ang remnants sang Communist Terrorist Groups (CTGs) kaangay sang pagpangilkil kag engkwentro bangod nakita na nila ang mangin epekto sa ila sa focused military operations sang militar.
