Ginpahayag sang City Director sang Bacolod City Police Office nga ang drug buybust operation kahapon sang hapon kun sa diin narecover ang masobra P9.1 million nga balor sang suspected shabu ang indi konektado sa duha ka operasyon nga ginpatigayon kahapon sang aga nga nakarecover sang balor P17 million kag P6.8 million nga suspected shabu.
Sa interview sang Bombo Radyo Bacolod kay Police Col Joeresty Coronica, ang succesful operation kahapon sang hapon sa Barangay Singcang Airport ang indi konektado sa buybust nga ginpatigayon sa Barangay Estefania kag Barangay 2, Bacolod City bangud ang gina-alegar ang source ang nagikan sa Mindoro.
Suno kay Coronica ang nadakpan sa Barangay Estefania amo si Jom Flynn Banquillo alias Drake, high value invidual, 37 anyos male, single, wala sang trabaho kag residente sang Country Homes Subdivision, Brgy. Estefania, Bacolod City.
Narecover diri ang 2,500 grams sang suspected shabu nga may standard drug price nga P17,000,000.
Samtang, ikaduha nga operasyon ang ginpatigayon sang Bacolod Police Station 2 sa Purok Lampirong, Barangay 2, Bacolod City.
Ang nadakpan ang ginkilala nga si Robert Villanueva Delos Santos, single, wala sang trabaho, kag residente sang Purok 42, Bayanihan, Brgy. Villamonte, Bacolod City.
Nakumpiskar kay Delos Santos ang kapin sa isa ka kilo sang suspected shabu nga may standard drug price nga P6,800,000.
Ini ang residente sang Victorias City apang nagsaylo sa Villamonte.
Suno sa city director ang pagsaylo sang residence ang ginahimo sang mga drug personalities agud indi madakpan, apang na-ubos gid ang swerte sini gani siya ang nadakpan.
Dugang pa sini nga ang supplier sang suspected shabu Barangay Estefania kag Barangay 2 ang pareho lang nga sa Luzon gani nagpatigayon sila sang simultaneous operations.
