Nagapati ang badminton player halin sa Negros Occidental nga sarang makuha sang Western Visayas ang kampyonato sa Palarong Pambansa 2025.
Sa interview sang Bombo Radyo kay AJ Lorenz Jurada, badminton player halin sa Negros Occidental High School, nakapahuway na sila kag nakabawi na sa kakapoy humalin sa pagbyahe nila padulong sa Laoag City, Ilocos Norte.
Suno diri, mainit ang tiyempo didto kun ikumpara sang sa probinsya sang Negros Occidental.
Sa karun wala man sila sang problema sa billeting school nila sa San Nicholas National High School apang may gamay lang nga kabudlayan sa kakulangan sang tubig.
Pahayag ni Jurada, ginalantaw nila nga mabakod nga kontra amo ang players sang NCR kag CALABARZON apang nagapati man ini nga sarang sang Western Visayas nga makuha ang kampyonato sa Palarong Pambansa.
