-- ADVERTISEMENT --
Napuno sang lutak ang dalan sa Barangay Biak na Bato, sa banwa sang La Castellana matapos ang pagluntad sang lahar flow tuga sang mabaskog nga ulan kagab-i.
Sa pagpadulong sang Bombo News Team sa area, naabtan nga nagapamala sang lahar si Loloy Alicora.
Ang lahar ang nag-awas gikan sa suba sa Taytay Tamburong.
Ini ang may kaupod nga magagmay nga mga bato kag mga sanga sang kahoy.
Suno kay Alicora, tuman ka baskog ang nangin pag-ulan kapin alas-11:00 kagab-i.
-- ADVERTISEMENT --
Wala man sila nagpinsar nga may maluntad nga lahar flow bangod natabo naman ini sang nakaligad.
Bangod dyutay lamang ang lahar nga nag-awas sa dalan, sarang lamang malabayan ang mga motorista.
Apang ginapaandaman lamang ang mga nagalabay sa paghalong bangod madanlog ang dalan.
