Tun-an pa sang Negros Occidental Police Provincial Office ang mando ni Philippine National Police (PNP) chief Gen. Nicolas Torre III nga ang tanan nga estasyon sang police nga batunon ang tanan nga reklamo bisan diin man ini natabo.
Sa interview sang Bombo Radyo Bacolod kay NOCPPO Spokesperson Police Captain Judesses Catalogo, kun diin natabo ang insidente didto man iparekord kag indi pwede nga iban nga lugar irekord ang natabo nga malayo na sa ginluntaran sang insidente.
Suno diri, kaangay na lamang kun may natabo nga insidente sa Mindanao, mahimo ini mapablotter kag kun magfile sang kaso dapat sa lugar man nga natabo ang insidente kag indi kun sa diin nga mas malayo pa.
Dugang pa sini bisan ang korte nagahibalo kun diin ang jurisdiction sang kaso.
Pahayag ni Catalogo, dako nga pag-esturyahanay pa ang matabo kag hulaton pa sini kun ano ang mangin response ni PNP spokesperson Police Brigadier General Jean Fajardo angot diri.
