Nagpabutyag sang pagkahangawa ang pila ka labor groups sa pahayag ni President Ferdinand “Bongbong” Marcos Jr. nga ireview pa sini ang hagna para sa pagpasaka sang minimum wage sang mga mamumugon.
Panindugan ni Atty Sonny Matula sang Federation of Free Workers nga ang hagna nga magapasaka sang P200 sa daily minimum wage Ang naglabay na sa madalom nga pagtuon sang mga mamalidha.
Nagakahangawa sila nga ipaidalom pa sa review kun sa diin ang Malacañang ang magapangayo pa sang opinion sang wage boards.
Panindugan ni Matula nga indi Court of Appeals ang Wage Boards nga kinahanglan pa konsultahon sang mga hagna nga napasar na sa Kamara kag Senado.
Madumduman nga ginpahayag ni Palace Press Officer Undersecretary Atty Claire Castro nga lantawon pa ni Presidente Marcos ang economic implications sang ginaduso nga saka sa sweldo.
