Ginpakigbahin sang isa ka pamilya ang ila eksperyensya sa sitwasyon sang isolation room sang Corazon Locsin Montelibano Memorial Regional Hospital (CLMMRH) nga ila ginkakibot.
Sa interview sang Bombo Radyo kay Cayla Mitch Tecson, nagpadulong sila kaupod ang iya bana kag duha ka mga bata sa ospital sang Hunyo 6 agud i-admit ang iya isa ka tuig nga bata nga nagsuprer sang Hand, foot, and mouth disease kag nakalaton sa magulang nga walo ka tuig.
Suno diri, gin-assess sila kag ginpamangkot kun ano ang nabatyag sang mga bata kag ila man ginsugid kag sila ginhambalan nga magdistansya anay sa iban.
Nagproseso si Cayla sang ila papales samtang ang bana naman sini kag ang iya duha ka bata ginpasulod sa isolation room bangod gutok na ang emergency room.
Pag-apas sini sa iya mag-amay nakibot ini sa sitwasyon sang isolation room.
Kaangay nga screen lang ang salog kag may isa ka katre nga kag may mga basura pa nga nakit-an.
Nakita pa nila nga antes sila magsulod may isa ka pasyente nga manuggwa pa lang sa kwarto.
Namangkot pa ang bata sini nga kun didto sila i-admit kag naghambal sa iya indi nila luyag magtinir didto.
Bangod sa kahangawa nga maglala pa ang kondisyon sang iya mga bata nagdesisyon sila nga magsaylo na lang sa lain nga ospital.
Nagpangayo man sang pasaylo ang mga doktor sa ila kag nakig-angot ang ospital sa ila kasubong man nga nagpagwa man sang statement si Dr Joan Cerrada ang medical center chief II sang Corazon Locsin Montelibano Memorial Regional Hospital.
