Iran, gintawag ang mga airstrikes sang Israel nga “declaration of war,” nagapanawagan sang intervention sang UN Security Council

Ginpahayag sang Iran nga ang makamamatay nga strikes nga ginpatigayon sang Israel sa military kag nuclear facilities ang isa ka “declaration of war” kag nagpanawagan sa UN Security Council nga maghimo sang tikang.

Sa isa ka sulat sa United Nations, ginlaragway ni Foreign Minister Abbas Araghchi ang pagpang-atake bilang “declaration of war” kag nagpanawagan sa Security Council nag gilayon nga i-address ang issue.

Sang Biyernes, naglunsyar ang israel sang dako nga pagpang-atake batok sa Iran agud punggan ang Tehran sa paghimo sang isa ka armas atomika.

Nagbalos naman ang Iran paagi sa paglunsyar sang ballistic missiles sa Israel nga ginatinguhaan nga i-intercept sang ila mga iron dome.