Madugangan naman ang kabudlayan sang mga motorista matapos ang price hike sang produktong petrolyo.
Sa separado nga advisories, Ang Seaoil Philippines Corp. kag Shell Pilipinas Corp. ang nagpatuman sang price hike nga P1.80 sa kada litro sang gasolina kag diesel samtang P1.50 sa kada litro sang kerosene.
Nagpatuman man sang pareho nga price adjustment ang Cleanfuel magluwas sa kerosene nga wala sa ila produkto.
Nagtake-effect ang price adjustment kaina alas 6:00 ang takna sa aga sa mga oil firms magluwas sa Cleanfuel nga magapatuman alas 4:01 karun sa hapon.
Suno sa Department of Energy, ang pagbag-o sa presyo ang bangod sa tensyon sa tunga sang Israel kag Iran kun sa diin ang pagpang-atake ang nagatuga sang pagpamahog sa crude market.
Madumduman nga naglunsyar sang ballistic missiles ang Iran sa Israel kun sa diin naapektohan ang nuclear facilities sang Iran.
