Patay ang senior citizen matapos gintadtad sang bala sang apat ka mga wala makilal-an nga suspect sa Sitio Spur 2, Brgy Minapasok, Calatrava, alas-5:45 kahapon sang hapon.
Ang biktima ang ginkilala lamang nga si Alyas Tolendoy, 63 anyos, kasado, mangunguma, residente sa nasambitan nga lugar.
Sa imbestigasyon sang Calatrava Municipal Police Station, yara sa gwa sang balay ang biktima kag ang iya utod nga lalaki sang hinali nga nag-abot ang apat ka armado nga persona.
Hinali na lamang nila nga ginpa-ulanan sang bala ang biktima nga nag-angkon sang 10 ka igo, nga ginalakipan sang isa ka igo sa ulo, isa sa dughan, isa sa kilid, apat sa nawala nga paa, duha sa natuo nga paa kag isa sa nawala nga tiil nga nagresulta sa iya kamatayon.
Narecover sa crime scene ang anom ka fired cartriges sang cal 45 pistol kag isa ka deformed bullet sang wala pa matumod nga armas luthang.
Matapos ang pagpatay, gilayon man nga nagpalagyo sa wala matumod nga dereksyon ang mga suspect.
Gindala pa sa Calatrava Municipal Hospital ang biktima apang ini ang wala gid makasalbar.
