Nag-untat na ang Hacienda Asia Plantations Incorporated (HAPI) sang ila operasyon sa banwa sang Candoni, Negros Occidental matapos nga ginpanaugan sang Cease and Desist Order (CDO).
Nahibaluan nga nagpagwa na sang Cease and Desist Order (CDO) ang Environmental Management Bureau (EMB) Region 6 batok sa HAPI nga naga-operate sang palm oil plantation sa kapin sa 6,000 hectares nga duta sa banwa sang Candoni, Negros Occidental.
Sa interview sang Bombo Radyo Bacolod kay Candoni Mayor Rey Ruiz, nag-untat sila sa pag-quarry apang nagapadayon sagihapon sa pagpananom sang Palm Trees.
Suno kay Ruiz, santo sa report sang personnel sini nga nagacomply na ang nasambit nga kompaniya sa mga ginarequire sa ila nga requirements.
Ginpahayag man sini nga indi lang siya kag ang gobernador ang nagapangayo sang Environmental Compliance Certificate (ECC) gikan sa kompaniya kundi halos man ang tanan.
