Ginkumpirmar sang Bacolod City Administrator kag sa karun temporaryo nga nagapungko bilang pinuno sang Bacolod Environment and Natural Resources Office (BENRO) bangud naka onleave ang head sang nasambit nga departamento, nga ang Cell no.5 sa Bacolod Sanitary Landfill ang ginagamit na apisar nga wala pa sang Environmental Compliance Certificate (ECC) gikan sa Environmental Management Bureau.
Sa interview kay Atty. Mark Steven Mayo, ang cell no.4 ang indi magamit gani nagpadala sila sang sulat sa EMB agud nga pahibaluon nga nagamit na sang ciudad ang cell no.5.
Suno kay Mayo, nahanda naman ang papeles para sa application sang ECC kag Notice to Proceed (NTP) bangud kinahanglan pa nga iproseso ang ECC sang cell no.4.
Nahibaluan nga nag-operate man ang cell no 4 bisan wala sang ECC kag pagpungko ni Bacolod City Mayor Greg Gasataya halos natunga na ini kag ulihi nalang natukiban nga wala sang nasambit nga certificate.
Pila sa mga natumod nga rason sa pagdelay sa proseso sang ECC amo ang conversion sang duta nga halin sa agricultural mangin industrial na ini kag ginproseso man dayon sang ciudad.
