Ginkwestyon sang Department of Tourism (DOT) ang report nga nagapahayag nga ang Pilipinas ang “least safe country on the planet.”
Ginpakamalaot ni Tourism Secretary Christina Garcia Frasco ang ginpagwa nga “HelloSafe Safety Index 2025” halin sa HelloSafe website, nga una nagbutang sa Pilipinas bilang pinaka-una sa listahan sang mga indi safe nga lugar sa kalibutan.
Apang ginbag-o sang HelloSafe ang rank, kag ginbutang na ang mga pungsod nga apektado sang giyera kaangay sang Sudan, South Sudan, Afghanistan, Ukraine, kag Democratic Republic of Congo sa pinakaibabaw sang listahan sang mga indi safe nga pungsod.
Suno kay Frasco, nagpabaya ang HelloSafe pagkatapos sini kuhaon ang Pilipinas sa index narrative nga wala man lang sang paathag ukon klaro nga rason.
Dugang pa sang DOT, ginakondenar nila ang nangin report sang HelloSafe.
