Ginpahayag ni Bacolod City Mayor-elect Greg Gasataya nga wala ini nagapagwa sang statement nakaligad nga mga inadlaw bangod mas ginpili sini nga umpisahan ang pagtrabaho kasunod sang eleksyon.
Sa interview sang Bombo Radyo Bacolod kay Gasataya, Mayo 13 matapos maggwa ang resulta sang eleksyon, siya ang nagpatigayon gilayon sang mga meetings kag coordinations sa mga department kag division heads.
Interview with Bacolod City Mayor-elect Greg Gasataya
Suno diri, madamo sang mga proyekto ang iya ipadayun sa pagpungko bilang alkalde, kag madamo man sang nakita sini nga kinahanglan sang improvements.
Siya ang wala nagpagwa sang mga statements sang nakaligad bangod indi sini luyag nga magbuya sang mga pasalig, nga wala pa sang may naplastar nga tikang ukon wala pa sang nahitso nga ulubrahon.
Mangin mix naman ang komposisyon sang mga department heads kun sa diin may mga ipabilin, may-ara man sang mga nakaligad nga opisyal nga ipasudlon, kay may-ara man sang mga first time nga magasulod sa government office kaangay sang pila ka lawyers kag academe.
Pasalig ni Mayor-elect Greg nga mangin smooth na lamang ang transition sa Hunyo 30 bangod sila ang palarehas lamang nga partido ukon nakatrabaho na sadto.
Suno kay Gasataya, siya ang nag-umpisa sa pagkakonsehal, nangin bise alkalde, kongresista kag karun magapungko naman bilang alkalde sa ciudad sang Bacolod.
Nagapati ini nga ang iya mga natun-an sa pagpungko sa national office bilang Kongresista, ang nagpasanyog pa sang iya kaalam partikular na sa paghimo sang desisyon kag implementsyon sang mga polisa karun nga siya ang magabalik sa Local Office bilang alkalde.
Ang oathtaking kag inauguration ang patigayunon bwas sa Bacolod City Government Center alas-4:00 sang hapon.
