Nangin madinalag-on ang inagurasyon ni Negros Occidental governor Eugenio Jose Lacson, Vice Governor Jose Benito Alonso kag mga miyembro sang Sangguniang Panlalawigan kahapon.
Sa inaugural speech ni Lacson, gin-athag sini kun ano ang mato-od nga kahulugan sang Abanse Negrense, nga ini indi lamang para sa probinsya apang ini ang para sa kada isa nga Negrense.
Suno diri, committed ini sa pagpadayon sa iya nasunugoran kag taposon sini ang iya hinimoan nga mabaskog.
Nagpasalig man ang gobernador nga tanan nga opisyal sang probinsya naka-intindi nga dapat magbulig sa mga pumuluyo sa tion sang kalamidad, emerhensya, kag sa tanan nga nagakinahanglan nga wala sang may mabilin.
Suno kay Lacson, bilang isa ka public official importante kun paano magserbe indi kun ano ka madugay na ini nga nagaserbe.
Pahayag ni Lacson, siya indi dapat pagserbisyohan bangod siya ang magaserbisyo sa pumulyo sang Negros Occidental.
Nagpartisipar sa programa si Senator Kiko Pangilinan kaupod ang iya asawa nga ang akres nga si Sharon Cuneta.
Gincongratulate sang senador si governor Lacson kag nagpasalamat sa tanan nga Negrense sa pagsuporta sa iya.
Nagpasalig naman ini nga magaserbe sang mato-od kag may integridad.
