Ginpahayag sang mga mamalidha sa 20th Congress nga indi sarang nga ibasura sang mga senator-judges ang impeachment complaint batok kay Vice President Sara Duterte santo lamang sa simple nga majority vote.
Ini matapos ginpahayag ni Senate President Francis Escudero nga mahimo botohan sang Senate impeachment court ang mosyon sa pagbasura sang kaso ni Duterte.
Suno kay Chel Diokno, wala nakabutang sa Konstitusyon ang ‘simple majority vote’ agud ma-dismiss ang impeachment.
Nagakompormi naman si Panfilo Lacson sa opinyon ni Diokno kag ginpunto nga ang mosyon sa pag-dismiss sang impeachment case sang bise presidente ang dapat maghalin sa iya nga defense team kag indi nagikan sa mga senador nga nagapungko bilang hukom sa impeachment proceedings.
Dugang pa sini indi insakto kag makahalam-ot ang ideya nga pag-move ukon pagsumiter sang isa ka senator judge sang mosyon sa pagbasura sang kaso.
