Pagahukman na sang Kamara de Representantes subong nga adlaw si Vice President Sara Duterte agud aprubahan ang report sang House Committee on Justice nga nagapahayag nga may yara sang “probable cause” sa impeachment complaint batok sa Bise Presidente.
Kasunod ini sang pila ka semana nga hearing kag pag-usisa sang mga dokumento kag ebidensya nga nagatuyo nga mapamatud-an ang mga alegasyon batok kay VP Sara.
Talakayon man sa plenaryo ang committee report kag resolution agud mapadal sa Senado ang apat ka Articles of Impeachment para sa trial.
Ang pagboto ang patigayunon paagi sa nominal voting, sa diin ang tagsa ka kongresista ang pagatawgon isa-isa agud magboto sang “huo” ukon “indi.”
Samtang, ginpahayag naman sang kampo ni Duterte nga sila ang maga-monitor lamang sa plenary deliberations sang Kamara de Representantes.
Suno kay Atty. Michael Poa, spokesperson sang legal defense team ni VP Sara, indi na sila magtambong sa plenaryo sa baylo, sila ang magabantay na lamang sa mangin resulta sang botohan.
Ginpasalig naman sang kampo ni VP Sara Duterte nga handa ini nga atubangon ang impeachment trial kun ipadala ini sa senado.
Samtang, ginpahayag naman ni Senate President Pro Tempore Panfilo Lacson nga iya pamatukan ang anuman nga pagtinguha nga balabagan ang convening sang Senado bilang impeachment court kun mabaton nila ang Articles of Impeachment.
