Ginpahayag sang Philippine National Police nga magahimo ini sang mga tikang agud masiguro ang malinong nga pagpatigayon sang ikaapat nga State of the Nation Address ni President Ferdinand “Bongbong” Marcos Jr. sa masunod nga bulan.
Suno kay PNP chief Police General Nicolas Torre III, indi sila makahatag sang exact nga numero sang police deployment kag classified ini.
Suno diri, sila na ang bahala basta siguraduhon nila nga mangin malinong ang SONA.
Sang ginpamangkot kun ang PNP ang magahimo sang mga adjustments sa mga preparasyon sini bangud may yara sang ongoing impeachment case ni Vice President Sara Duterte, ginpahayag ni Torre nga ini ang magadepende sa estimate nagikan sa intelligence nga ila nabaton.
Una na nga ginpahayag sang bise-presidente nga indi ini magtambong sa ikaapat nga SONA ni Marcos sa July 28 suno kay House Secretary General Reginald Velasco.
