Ginahulat nalang sa karun ang pagpirma sang presidente sa hagna nga nagaduso nga isaylo ang 2025 Barangay and Sangguniang Kabataan Elections sa December 1, 2026.
Suno kay Senator Juan Miguel Zubiri, natapos na nila ang ila obligasyon sa pagbalay sang hagna nga nagaduso sang term extension sang mga Barangay Officials kag sa karun yara na ini sa opisina ni President Ferdinand “Bongbong” Marcos Jr. kag nagahulat nalang nga pirmahan agud mangin layi ukon i-veto ukon indi pagtandugon kag pabay-an nga mangin layi.
Suno kay Zubiri, nagahilapit ang BARMM elections kag kun madayon ang Barangay kag SK elections mashort ang budget sang COMELEC gani ginaduso nila nga sa December 1 2026 patigayunon ang BSKE sabaylo nga November 30, 2025.
Gani, naga-apelar ini sa presidente nga pirmahan ang hagna para sa term extension sang Barangay officials.
