Nag-convene na alas- 3:00 subong nga hapon ang una nga session sang miyembro sang Sangguniang Panlungsod sang Bacolod.
Suno kay Councilor Atty. Caesar Distrito, nakabaton sila sang announcement halin kay Vice Mayor Claudio Jesus Puentevella nga may session subong nga hapon ang 12 ka konsehal.
Suno diri, ang session ang para sa internal rules kag committee chairmanship sang mga konsehal.
Gin-athag man sini nga ang pagpili sang floor leader ginahatag sa senior coucilors bilang konsiderasyon kag respeto.
Nagpanawagan si Bacolod City Vice Mayor Claudio Jesus Puentevella sa mga pumuluyo nga bantayan ang session sang Sangguniang Panlungsod members.
Suno sa bise alkalde, subong nga hapon ginpatigayon ang una nga session sang bag-o nga set sang SP members.
Suno diri, ginalantaw nga may yara sang duha ukon tatlo ka komitiba nga idugang apang i-finalize pa kun sin-o ang ma-uyat sang mga komitiba.
Gin-imbita si mayor Greg Gasataya para maghatag sang mensahe sa mga konsehal sa una nila nga session.
Pahayag ni Puentevella mas maayo nga i-monitor sang pumuluyo ang session agud mahibaluan kun ano ang tutokan sang mga konsehal kag kun ano ang mga tikang nga mahimo.
Ini agud man mahibaluan kun sin-o sa mga konsehal ang nagatrabaho kag wala kag kun sin-o ang masaligan kag indi.
