35 anyos nga lalaki, pilason matapos ginbuno sa Yolanda Housing sa ciudad sang Silay

Pilason ang 35 anyos nga lalaki matapos ginbuno sa Yolanada Housing, Barangay E. Lopez, Silay City, Negros Occidental, sang Miyerkules alas-9:30 sang aga.

Ang biktima ang ginkilala nga si Alyas Noy, kasado, laborer, samtang ang suspetsado naman amo si Alyas Mac, 40 anyos, kasado, laborer, lunsay mga residente sang nasambit nga lugar.

Sa imbestigasyon sang Silay City Police Station, nagahulat sang tricycle si alyas Noy sang nagpalapit si alyas Mac.

Nagbaisay ang duha kag hinali lang nga ginbuno ni alyas Mac si alyas Noy sa tyan kag nawala nga dughan.

Gilayon nga gindala sa Teresita Lopez Jalandoni Provincial Hospital ang biktima agud hatagan sang nagakaigo nga pagbulong samtang ang nadakpan naman ang suspek.