Magapabilin sa ika-apat nga Dominggo sang bulan sang Oktobre ang highlights sang Masskara Festival.
Ini suno sa paathag ni Bacolod City Mayor Greg Gasataya, kun sa diin ginklaro sini nga indi sarang ma-supersede sang resolusyon ang nasyonal nga layi.
Madumduman nga nagpasar na sang amendment ang Sanguniang Panlungsod nakaligad nga tuig nga magasaylo sang Masskara Festival celebration sa 3rd week sang Oktubre bangod masami nga gina-ulan ang kahiwatan.
Ang pag-ulan kadungan sang Masskara Festival celebration ang nakahatag naman sang manubo nga income bangod dyutay lamang ang mga naglagaw sa pila ka mga festival venues.
Apang paathag ni Mayor Greg nga sa idalom sang Republic Act 11146, sa ikaapat nga Domingo sang Oktobre ang Masskara highlights kag ini ang maligwat lamang kun may magfile sang panibag-o nga layi nga maga-amyendar sa nauna.
Sa karun ginafinalize na ang mga hilikuton sa Bacolod Masskara Festival 2025 kun sa diin isa ang Bacolod Public Plaza nga ginalantaw nga himuon nga festival site.
