Nagpatigayon sang Kanlaon Volcano simulation exercise (SimEx) sa banwa sang La Castellana bilang preparasyon inkaso matabo ang worst case scenario nga pagsaka sa Alert Level 4 sang status sang bulkan.
Sa karun nagapabilin sa Alert Level 3 ang status sang Bulkan kag wala paman sang dalagkuan nga aktibidad magluwas sa mga dugay-dugay nga ash emmissions.
Apang wala ginadula ang posibilidad sang pagluntad pa sang major eruption kag pagsaka sa Alert Level 4.
Sa interview sang Bombo Radyo Bacolod kay Negros Occidental Provincial Disaster Risk Reduction and Management Office Head Irene Bel Ploteña, agud makapangaman, sila ang nagpatigayon sang SimEx sa mahimo nga matabo bangod sa pagsaka sang alert status, may patigayunon man nga dugang nga evacuation efforts.
Sa pagsaka sa Alert Level 4, indi lamang ang banwa sang La Castellana ang apektado kasubong man ang La Carlota City, Bago City, Murcia kag EB Magalona.
Iban sa mga Internally Displaced Persons ang gindala sa Tent City sa ciudad sang Himamaylan kag may-ara man nga dal-on sa Panaad Park.
Suno kay Ploteña, may patunugon nga alarm nga amo ang senyales nga naglupok ang bulkan kag sila ang magasugod na sa evacuation efforts.
May pipila lamang sila nga mga pumuluyo sa lugar nga nagpartisipar agud indi tuman ka damo.
Nakigbahin sa SimEx ang mga emergency vehicles, kag mga ahensya sang gobyerno kaangay sang Philippine Army, Philippine Coast Guard, Philippine National Police, Bureau of Fire Protection kag iban pa.
Gin-alarma naman nila ang mga malabayan nga local government units nga indi magpanic bangod sila ang nagadrill lamang.
