Ginpahayag sang spokesperson sang Negros Occidental Police Provincial Office nga wala sila sang nabaton nga arrest order batok sa apat ka mga Negrense nga ginatudlo may kahilabtanan sa mga nadula nga manugbulang sang manok ukon missing sabungeros.
Sa interview sang Bombo Radyo Bacolod Kay Police Captain Judesses Catalogo, wala Sila sang nabaton nga impormasyon kun may mga residente sang probinsya sang Negros Occidental nga napasakaan sang kaso bangud may kahilabtanan sa mga nadula nga mga manugbulang.
Suno Kay Catalogo makabaton man sila sang arrest order pananglitan nga may napasakaan sang kaso.
Samtang dugang pa sini nga Wala man Sila sang nabaton nga reklamo gikan sa pamilya sang mga nadula nga manugbulang nga residente sang Negros Occidental.
Wala man sang pagpaalerto sa mga kapulisan bangud Indi man ini makaalarma.
Suno diri kun may yara sang nakasuhan kag may yara na sang warrant of arrest ila ini pangitaon kag dakpon apang Kun biktima Naman Ang mga ini dapat Ang pamilya sang mga ini Ang magafile sang reklamo sa nadula nila nga mga himata.
Sa impormasyon nga nakuha sang Bombo News Team ang apat ka mga Negrense nga ginatudlo may kaangtanan sa pagkadula sang mga manugbulang ang ginalakipan nanday Mark Carlo Zabala; Roberto Matillano Jr; Johnry Consolacion kag Virgilio Bayog.
Sa pihak nga bahin, nagakoordinar ang Negros Occidental Police Provincial Office (NOCPPO) sa pila ka unit sang Philippine National Police angot sa kaso sang missing sabungeros kun sa diin apat ka mga persona ang may yara sang address sa Negros Occidental kag nalakip sa anom ka ginakabig nga suspek.
Maduduman nga ang anum ka mga suspek ang ginkilala nga sanday Mark Carlo Zabala, 29 anyos tumandok sa banwa sang Hinigaran; Roberto G. Matillano Jr., 54 anyos, tumandok sang Talisay City; kag duha ka tumandok sang Kabankalan City nga sanday Virgilio P. Bayog, 44 anyos kag Johnry R. Consolacion, 33 anyos, kag sanday Julie A. Patidongon alias “Dondon,” 45 anyos; kag Gleer Codilla alias Gler Cudilla.
Sa interview sang Bombo Radyo Bacolod Kay Police Captain Judesses Catalogo, spokesperson sang NOCCPO, ila na nga ginkadtoan ang pamilya sang apat ka mga tumandok sang Negros Occidental apang madugay na ang mga ini nga wala nakapauli sa ila mga address.
Suno diri, ang jurisdiction sang kaso yara sa Manila bangod didto natabo ang insidente kag ang NOCPPO ang nagakoordinar sa national office sang Criminal Investigation and Detection Group (CIDG).
