Aminado ang aktres nga si Maris Racal nga may mga paghinulsol siya sa iya mga nagligad nga relasyon, kag ginapili niya subong nga magpabilin nga single agud mahatagan sang espasyo ang iya kaugalingon para sa personal growth.
Suno sa iya, sang Hulyo 3, pagkatapos sang iya serye, ginpahayag ni Maris nga indi pa siya handa nga magsulod liwat sa isa ka relasyon.
Madumduman nga si Maris nadalahig sa isa ka cheating scandal kaupod ang co-star nga si Anthony Jennings sang Disyembre 2024, pagkatapos sang break-up kay Rico Blanco sang Hunyo sang nasambit man nga tuig.
Sang ginpamangkot kun may mga paghinulsol siya sa iya mga relasyon, maisog nga nagsabat sang YES si Maris, apang ginpili sini nga taguon ang personal nga detalye.
Ginbuyagyag man sang aktres nga nakaabot na ini sa punto nga luyag na sini nga i-give up ang showbiz career.
Nakakita siya sang kusog gikan sa iya kaugalingon, pamilya, mga abyan, pangamuyo, kag therapy.
