Gintsekyar ni Bacolod City Mayor Greg Gasataya ang status sang improvement sa public plaza.
Suno sa alkalde ang drainage nga gamiton sa palibot sang plaza ang moderno na nga disenyo indi kaangay sang mga nakaligad agud mas mabakod kag mas magdugay.
Suno pa diri, wala man sang dapat ikabalaka sa mga ginpangkakas nga mga sanga sang puno bangod nag-agi ang tanan sa husto nga proseso sa Bacolod Environment and Natural Resources Office (BENRO).
Mas maayo suno kay Gasataya nga ginpangkakas ang mga gabok na nga sanga agud malikawan nga may mahalitan nga iban.
Iya man ginkalipay nga masanag na ang plaza bangod tanan nga suga nagasiga na kun gab-i kag napangkakas ang gabok nga sanga nga mas nagpsanag sa plaza kun aga.
Sa karun sunod naman nga tuyo sang alkalde amo ang pagpinta sa mga bangko sa plaza.
