Totally damaged ang isa ka boarding house matapos gintupok sang kalayo sa Greenville Bato, San Carlos City, Negros Occidental kahapon sang udto.
Ang boarding ang ginkilala nga ginapanag-iyahan ni Rolyn Pia, isa ka manunudlo.
Sa interview sang Bombo Radyo Bacolod kay Fire Officer 2 Niel Bantillo, fire chief investigator sang San Carlos City Fire Station, nabatun nila ang report tuhoy sa sunog alas-11:59 sang udto kag sila ang nakaresponder alas-12:04 sang udto.
Nakontrolar naman ang kalayo alas-12:11 sang udto kag natigayon nga mafire-out alas-12:15 sang udto.
Ang boarding house nga may duha ka kwarto ang gintupok gid sang kalayo, kag natabuan naman nga wala sang tawo bangod bisan ang tag-iya ang may ginkadtuan.
Sa inisyal, ginalantaw nga electrical in nature ang sunog, kag mahimo nga may nalipatan nga appliances nga nakasaksak nga amo ang nasunog.
Ang estimated value sang sunog ang nagdangat sa P17,500.
